Илексаз мәктәбендә 28 нче январьдән  3 нче февральгә кадәр “Тарих – география” атналыгы булды. Аны Хисаметдинова Азия Әхәт кызы һәм Әһелтдинова Наилә Вил кызы оештырды. Иң элек 5 – 9 нчы класс укучылары “Ленинград блокадасы” исемле презентация карадылар , аның буенча фикер алыштылар. 28 нче январь көнне 1-9 класс укучылары игътибарына “Аушвиц концлагеры» исемле сыйныф сәгате узды. Атналыкта 5-9 нчы класс укучылары  “Кеше хокуклары һәм бурычлары” исемле викторина сорауларына да җавап бирделәр. 1 нче февраль көнне “Кем җитезрәк?” исемле интеллектуаль уен – кичә дә бик мавыктыргыч узды. Укучыларга бик күп кирәкле мәгълүматлар бирелде. Атналык “Сталинград сугышы – 70 ел” киносын карау белән тәмамланды. Атналык бик җанлы үтте.