Уку елы тәмамлана... " Чебешләрне көзен саныйлар”, дисәләр дә мәгариф системасында эшкә нәтиҗәне яз көне ясыйлар. 2012-2013 уку елын да йомгаклау көннәре якынлаша: башлангыч класс һәм 9класс укучылары өчен 24 май соңгы уку көне, 5-8класслар 31 майда уку елына нокта куялар. Бу көннәрдә Илексаз мәктәбе  укучылары һәм укытучылары өчен кызу эш бара. 9класс укучылары ДЙА һәм традицион имтиханнарга әзерләнәләр. Калган укучылар күчеш контроль эшләре эшлиләр, зачетлар  тапшыралар. Бакчада орлык чәчү, җир әзерләү, җыештыру һ.б. эшләр башкарыла. Җәйге ялны оештыру эшләре бара. Укучыларны лагерь, бакчада эшләү, яңа уку елына әзерлек эшләре белән таныштыру да дәвам итә.