Сарман районы Пенсия фонды башлыгы ярдәмчесе Баһманова Ләлә  укытучылар коллективы каршында чыгыш ясады. Һәркем үзен кызыксындырган сорауга җавап тапты.

    Бүген “Наркотиксыз тормыш!” акциясен йомгаклау уңаеннан биология укытучысы Салихова Фәйрүзә Рафис кызы чыгыш ясады. Укучылар чыгышлар тыңладылар, презентацияләр карадылар.

           Мәдәният елы кысаларында 1 нче сыйныф укучыларына мәдәни көндәлек тпашырылды. Бу көндәлек укучыларга республикабызның тарихи-мәдәни урыннары һәм мәдәни чаралар белән таныштырырга ярдәм итәр. 

      23 нче октябрь көнне 1-4 нче класс укучылары арасында бәйрәм узды. Анда "Дружба" һәм "Верные друзья" командалары  тапкырлык, уңганлык, зыялылык буенча көч сынашты.  Бәйрәм һәркемгә дә ошады. 

   16 нчы октябрь көнне эвакуацион кабул итү пунктларының эшчәнлеген тикшерү үтте. Кәүҗияк төп гомуми белем бирү мәктәбе Чаллы шәһәреннән эвакуацияләнүчеләрне кабул итәргә һәм урнаштырырга әзерләнде. Барлык группаларның эшчәнлеге уңай бәяләнде.

5 октябрь - Халыкара укытучылар көне.  Бик күп һөнәр ияләре бәйрәмнәрен белмибез дә, белгәннәре дә онытыла. Ләкин Укытучылар көне - онытылмый торган бәйрәм. Чөнки һәркем укучы булган, һәркемнең укытучысы бар. Шушы хөрмәтле кешеләребезне зурлап Кәүҗияк төп гомуми белем бирү мәктәбе укучылары концерт куйдылар. 

    Хөрмәтле укытучылар! Һөнәри бәйрәмегез- укытучылар көне уңаеннан иң җылы котлауларны кабул итеп алыгыз! Тормышка рухи фатиха биргән укытучыбызның исеме һәркайсыбызга  кадерле. Аның сүзләре авыр минуттларда җылыта, алга барырга көч бирә. Гадел билгеләр куйганы, кызыклы дәресләр, яхшы киңәшләр биргәне, кайгыртуы һәм аңлавы өчен укытучысына рәхмәт әйтә алган кеше  бәхетле.

     Укучылар "Кросс наций 2014" спорт бәйрәмендә катнаштылар.