Наркотикларга -юк!,-дип әйтик .

Наркотикларга каршы “Без тормыш өчен тавыш бирәбез!” айлыгы кысаларында мәктәпләрдә күп эшләр эшләнә. Безнең мәктәптә дә урта һәм югары сыйныф укучылары өчен “ Наркотикларга -юк!,-дип әйтик “ дигән класс сәгате үткәрелде. Бу дәрескә биология укытучысы Салихова Фәйрүзә Рафис кызы күп материал туплаган, презентация әзерләгән. Ул наркотикларның яшь,ныгып җитмәгән организмга тәэсирен бик үтемле итеп аңлатты. Дистәләрчә миллион доллар байлыклары булып та, наркомания чоңгылыннан чыга алмыйча яшь килеш гомерләре өзелгән атаклы кешеләрне мисал итеп китерде.Болар: гитарачы Джемми Хендрикс, рок-легенда Курт Кобейн, музыкант Фредди Меркьюри, Элвис Пресли һәм башкалар.

- Үсмерләр бу юлга кызыксынучанлыклары; -юк!,-дип әйтә белмәүчәнлекләре аркасында; үзләренә игътибар иттерү өчен; яшьтәшләре белән дусларча мөнәсәбәт урнаштыру өчен; үзләре аралашкан даирәнең басымы астында һәм башкалар аркасында басарга мөмкин. Шуңа күрә –юк!,-дип катгый итеп әйтә белегез, хәтта кызыксынырга да ярамаганын аңлагыз,-диде ул. Бу класс сәгатенең укучыларга тәэсире зур булды.

Әйе,мәктәптә спортка да тиешле игътибар бирелә, мәдәни чаралар үткәреп,тормышның матурлыгын күрсәтеп ,укучыларны эстетик яктан тәрбияләүгә дә күп көч куела.Әмма наркомания афәтенә каршы тору өчен мәктәп кенә түгел, баланың әти-әнисе дә уйланырга тиеш.Аның өчен, бер караганда, күп тә кирәкми:балага игътибарлы булырга,аның белән уртак тел таба белергә, яши, тормышка соклана белергә өйрәтергә...Мәктәп,гаилә,җәмәгатьчелек – бу өч элементтан торган система берләшкәндә генә нык һәм көчле була ала. Бу уңайдан һәркемгә билгеле бер әкият искә төшә.Бер карт үлгәндә балаларына киңәш бирә:”Бердәм булыгыз! Бергә булсагыз гына сез көчле була аласыз.Чыбыкларны аерым-аерым сындырып була, бәйләнгән себеркене сындыра алмаган кебек, сезне сындыра алмаслар”. Бу фикер әле дә искермәгән. Чынлап та, замана афәтенә каршы көрәш- мәктәпнең дә, җәмгыятьтәге барлык таза көчләрнең дә, дәүләтнең дә уртак