14нче май көнне Ләке төп гомуми белем бирү мәктәбендә якташ язучыбыз Дамир Хәйрулла улы Гарифуллин белән очрашу узды.   Язучы, шагыйрь, артист , врач, укытучы- кем генә булмасын, иң беренче үзенең эше белән таныла, ә Дамир Гарифуллин язучы-журналист, шагыйрь, һәвәскәр археограф буларак  танылган шәхес.  Аның әсәрләрендә, язмаларында  халыкның үткәне дә, хәзергесе дә, киләчәге дә бар.

Дамир абый балаларга үзенең кызыклы вакыйгаларын сөйләде, яңа иҗат иткән шигырьләре белән таныштырды. Матур-матур китапларын бүләк итте. Балалар үзләренең өйрәнгән шигырьләрен сөйләделәр, әзерләгән бүләкләрен тапшырдылар.

Кичә бик кызыклы булды. Дамир абыйга алдагы тормышында саулык-сәламәтлек, иҗади уңышлар теләп калабыз.

Бөек Җиңүнең 70 еллыгы уңаеннан мәктәптә бик күп төрле чаралар үткәрелде. Укучылар сугыш чоры җырларын искә төшерделәр , шигырьләр сөйләделәр.

Малова Т. В. җитәкчелегендәге бию коллективы Бөек Җиңүнең70 еллыгына багышлап сугыш темасына биюләр әзерләделәр.