10 январьда- әдәбият, журналистика өлкәсендә үз урынын лаеклы яулап, исемен тарих битләренә мәңгегә  язып калдырган  шагыйрь, прозаик, публицист, Татарстан язучылар берлеге әгъзасы, «Керәшен   сүзе»газетасының беренче редакторы, дистәгә якын китаплар авторы Ямаш  Игәнәйгә (Ананий Малов) 75 яшь тулган булыр иде. Һәм ул, үзенә генә хас тыйнаклык белән, бәлки, үзе турында сүз башлар иде. Үзе безнең арада булмаса да, аның башланган   эше тукталмады. Ананий Малов  әдәбият дөньясында Ямаш Игәнәй булып яши.  Аның укучысына калдырган шигырьләре тирән мәгънәле. Чөнки алар шагыйрь җанында чәчәк аткан гөлләр, көзен шыткан уҗымнар, эзләргә бөтерелеп яуган ак карлар, яңгыр тамчылары, шул ук вакытта ятимлек ачысы, сагыну-сагышлар, сугыш яралары. Ә иң әһәмиятлесе: ул  бүген дә шигырьләрендә яши.

 Бүген без дә авылдашыбызны искә алып, аңа багышлап кичә үткәрдек. Балалар аның тормышы белән даими кызыксыналар, аның шигырьләрен яратып укыйлар, ятлыйлар.