В Российской Федерации и в Республике Татарстан в период с 26 апреля по 2 мая 2021 года проводится Европейская неделя иммунизации.Оснавная цель ЕНИ-2021 - повышение уровня знаний населения о значении вакцинации.

    Татарстан Республикасында туган телләр һәм халыклар бердәмлеге елы кысаларында Җәлил бистәсенең "Әкият" балалар бакчасында үткәрелгән «Туган телем - минем байлыгым!»  муниципаль шигырь бәйгесендә 17 педагог катнашты. Чараның максаты - Габдулла Тукай иҗатын, хәзерге заман әдипләребезнең иҗатын тирәнтен өйрәнү, халкыбыз тарихы, мәдәнияте, милли үзенчәлекләре белән кызыксындыру, шул ук вакытта сәнгатьле уку, сөйләү күнекмәләрен үстерү, татар шигъриятенә, туган телебезгә мәхәббәт уяту, әдәби иҗатка омтылыш тәрбияләү. Бу чара әдәби һәм сәнгатьчә зәвык тәрбияләү өчен мөмкинлекләр тудыру, педагогларның иҗади сәләтләрен күрсәтү, үстерү максатыннан оештырылды. Чыгыш ясаучыларның барысы да бәйгегә бик ныклап әзерләнеп килгән. Габдулла Тукай, Роберт Миңнуллин, Равил Фәйзуллин, якташыбыз Дамир Гарифуллин һәм башка күренекле шагыйрьләребез әсәрләрен бөтен осталыклары белән яңгыраттылар. Жюри тарафыннан Якупова Р.А., Тухбатуллина Р.М., Рахимова Р.Ю. чыгышлары югары бәя алды.