5нче октярьдә лицеебызда “Укытучылар көне” уңаеннан “Җырлыйк әле” бәйгесе узды. Әлеге бәйрәм бәйгесендә башлангыч сыйныф укытучыларының “Гөлләр” командасы белән мәктәп җитәкчелегеннән торган “Сандугач” командасы көч сынаштылар. Һәр ике команда вәкилләре бу ярышка җитди әзерләнгәннәр. Ретро җырлар, халык  җырлары булсынмы, барысын да профессиональ югарылыкта башкардылар. Ә караоке барышында җырчыларыбызга бөтен зал кушылды. Кыскасы, бу бәйге, чыннан да, укытучының күп кырлы, һәр өлкәдә дә югалып калмый торган, чын талант иясе булуын дәлилләде.