Язның тәүге көнендә лицеебызның 1нче  Б сыйныфында (сыйныф җитәкчесе - Насыйбуллина Н.Р.)  кабатланмас балачак иленең иң шәп бәйрәмнәренең берсе -  Әлифба бәйрәме булып узды.  Алты ай дәвамында балаларның барысы да укырга, язарга, матур итеп сөйләргә, хикәяләр төзергә, шигырьләр сөйләргә өйрәнде. Әлеге чара моның ачык дәлиле булды. Укучылар бәйрәмдә шигырь сөйләү, җырлау, рәсем ясау осталыкларын күрсәттеләр. Әти-әниләрнең укучыларга бүләк бирүләре чараны тагын да ямьләндереп җибәрде.