13нче мартта “Сәйдәш” мәдәният үзәгендә Шаяннар һәм Тапкырлар клубының ярымфинал уеннары узды. Биредә барлыгы 14 команда “көч сынашты”. Шуларның икесе безнең лицейдан иде. Бу юлы “Формат А” командасына алмашка килгән “Урындык” һәм “Татар стайл” командалары чыгыш ясады. Уен бик кызык үтте, көн кадагына яңгыраган мәзәкләр шактый күп булды. Бу укучыларның заман үзгәрешләре артыннан күзәтүләрен, яңалыклардан хәбардар булуларын күрсәтә. Жюри ике команданың да уенын югары бәяләде. Нәтиҗәдә “Урындык” командасы финалга узды. Аларны бу җиңүләре белән котлыйбыз, киләсе уеннарда уңышлар теләп калабыз!