"А.Алиш варислары" дигән тема кысаларында гимназия укучылары А.Алиш премиясенә ия булган язучылар белән очрашулар үткәрәләр. 9 нчы февраль көнне гимназиягә  прозаик, шагыйрь, А.Алиш премиясе лауреаты Галимҗан Гыйлманов килде. Ул башлангыч сыйныф  укучылары белән  очрашты, тормышында булган кызыклы вакыйгалар, иҗаты   турында  бик кызыклы итеп сөйләде, укучыларның  сорауларына җавап бирде, шигырьләрен укыды.   Язган китапларыннан  торган күргәзмәгә  Г.Гыйлманов бүләккә дип   алып килгән китапларын да куйды. Очрашу ахырында һәр укучы язучы белән фотога  төште. Балалар язучы абыйларын  кабат очрашуга чакырдылар.