2 нче март көнне гимназиянең спортлар залында " Әти,әни һәм мин- спорт гаиләсе" дигән   ярыш  узды. Бу чарада 12 гаилә катнашты, алар  өч командага  бүленеп, төрледән-төрле сынаулар аша үтеп, көч сынаштылар. Бу чараны ярыш дип тә әйтеп булмый иде. Ул чын спорт бәйрәменә әйләнде. Җанатарлар үз командалары өчен  алкышларын кызганмадылар.Иң кызыгы- аркан тартышу  булды.Менә бу тамаша  иде, ичмасам. Бер команданың да җиңеләсе килмәде.Һәм алар җиңелмәделәр дә.  Барысы да призлы урыннарга лаек булдылар.Һәр гаилә  берәр номинация буенча  җиңүче  дип табылды. " Иң җитез гаилә", " Иң дус гаилә", " Иң тапкыр гаилә" һ.б. Ярышта катнашучылар  бик канәгать булып, ашханәдә  бүләккә дип бирелгән тортлары белән чәйләр эчеп, оештыручыларга рәхмәтләр әйтеп  кайтып киттеләр.