10 сентябрь 11.00 сәгатьтә гимназия базасында “Татарча диктант” татар теленнән дөньякүләм белем тикшерү акциясе узачак. “Татарча диктант” белем тикшерү акциясе “2014–2020 елларда Татарстан Республикасы дәүләт телләре һәм Татарстан Республикасындагы башка телләрне саклау, өйрәнү һәм үстерү” дәүләт программасын гамәлгә ашыру кысаларында уздырыла башлады. “Татарча диктант” – ел саен уздырыла һәм теләге булган һәр кеше катнаша ала торган бушлай белем  тикшерү акциясе. Акциянең максаты – татар теле белән кызыксынуны арттыру, әдәби телдә дөрес сөйләм һәм дөрес язу күнекмәләрен камилләштерү, орфографик һәм пунктуацион хаталар ясамыйча язу теләген уяту, татар теленә, аның тарихи һәм мәдәни хәзинәләренә карата хөрмәт тәрбияләү. Татарча диктант турында тулы мәгълүматны https://diktant.tatar сайтыннан таба аласыз.Теләге булган һәркемне “Татарча диктант” акциясендә көтеп калабыз!