7 февральдә “Чулпан” мәдәният үзәгендә шәһәр мәктәп- гимназияләрендә һәм балалар бакчаларында барган “Сөйлә” һәм “Хәрәкәттә бәрәкәт” дәресләренә нәтиҗә ясаган “Гәүһәр” фестивале узды. Проектлар Казан Мэриясе тарафыннан Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәме белән тормышка ашырылды. «Хәрәкәттә – бәрәкәт» проекты дәресләрендә укучылар татар халык биюен өйрәнделәр. Безнең укучылар белән профессиональ хореограф Умаров Дәүләт Исмәгыйль улы эшләде.  Сөйләм осталыгына өйрәнү, дөрес сулыш алу күнекмәләренә багышланган “Сөйлә” проектында укучылар белән профессиональ актриса Гүзәл Галиулина шөгыльләнде. “Гәүһәр” фестивалендә алар Г. Тукайның “Таз» әсәре белән чыгыш ясадылар. Иң яхшы номерларны берләштергән “Гәүһәр” фестивалендә уңышлы чыгыш ясаган укучыларыбыз белән чын күңелдән горурланабыз, аларга алга таба да уңышлар телибез.