Татарстан Республикасы Президенты каршындагы Татар телен саклау һәм үстерү мәсьәләләре комиссиясе “Шаян ТВ” балалар каналы белән берлектә “Мин татар баласы” конкурсын игълан иткән иде. Исеменнән үк үз милләтенә горурлык хисе уята торган иҗади конкурс Татарстан Республикасы Президенты каршындагы Татар телен саклау һәм үстерү мәсьәләләре комиссиясе карары белән гамәлгә куелды.

Конкурс ике этапта үтте. Беренче этапта эшләрне Казан халык сәнгать һөнәрчелеге техникумы укытучылары бәяләде. «Иң яхшы рәсем», «Иң яхшы кул эшләре яки агачтан, башка материаллардан эшләнгән әйберләр номинацияләре буенча икенче этапка 40 эш үтте.

Безнең гимназиябездән дә 2Е сыйныфы укучысы Мөбәрәкҗанова Камилә белән 3Б сыйныфы укучысы Мозаффаров Әмир ,«Иң яхшы кул эшләре” номинацияләрендә катнаштылар һәм җиңү яуладылар. Укучыларны әзерләгән әти-әниләре Мозаффаров Рамил Мөдәрисовичка, Эльвира Фирдүсовнага, Мөбәрәкҗанов Марат Гыйлемхановичка, Динара Айдаровнага һәм укытучылары Ибариһимова Нурания Мансуровнага, Стрижова Альбина Борисовнага бик зур рәхмәт белдерәбез.