Бүген безнең мәктәптә көз бәйрәме уздырылды. Бу көнне без   бик файдалы яшелчә –кабак  хөрмәтенә багышладык. Кабак нинди яшелчә икән,кайда үсә? Нинди сортлары була? Ничек үстерергә аны? Файдасы нәрсәдә? Боларның барысы турында  укучылар сөйләделәр.  Бәйрәмгә Көз кызы да килгән иде. Ул балаларга күп табышмаклар,җырлар,уеннар алып килгән. Шулай ук көзге мул уңыштан күргәзмә дә ясалдык.

  Салмак кына атлап, җиләкле, чәчәкле җәйгә алмашка туган ягыбызга алтын көз якынлаша. Аның беренче билгеләре булып агачларда сары яфраклар күренгәли башлады, үләннәр дә җете яшеллекләрен югалта баралар.  Көз үзенчә матур. Шул матурлыкны якынрак күрергә  урманга экскурсиягә бардык.  Саф һавада төрле уеннар уйнадык, ял иттек.