Бүгенге конне балалар түземсезләнеп көтте, чөнки бүген балалар бакчасында бәйрәм. Ә бәйрәмгә без әниләрне дәштек һәм аларга кайбер әниләр белән берлектә әзерләгән концерт программасын күрсәттек. 

Бүген балалар үзләренең әтиләрен бәйрәм белән котладылар. Әтиләр өчен тырышып әзерләгән шигырьләрен сөйләделәр, җырларын җырладылар һәм биеп тә курсәттеләр. Әтиләргә бәйрәм бик ошады.

Бүген, Бөтендөнья туган тел көнендә, балалар татар язучыларының китаплары белән таныштылар, алардан өзеклзр укылды. Соңыннан "Нинди әкияттән?" дигән кызыклы уен булды.

Дидактик уен "Милли киемнәрне бизә", балаларга бик ошады. Алар читек, түбәтәй, алъяпкычларны бик матур итеп бизәделәр.

Бүген балалар бакчасында "Әкият безгә кайдан килгән?" дигән темага багышланган әңгәмә булды. Балалар әңгәмә барышында төрле әкиятләр белән таныштылар, аларның кайдан барлыкка килүе турында фикер алыштылар, уеннар уйнадылар.

Балалар бакчасында Муса Җәлилнең туган көненә багышланган презентация күрсәтелде.

  Бүген балалар белән Муса Җәлил турында сөйләштек. Алар шагыйрьнең шигырьләрен искә төшерделәр, гәҗит - журналлардагы мәгълүмат белән таныштылар. 

Балалар  бүген  китапханәгә сәяхәткә бардылар. Китапханәче Чулпан апалары алар өчен курчак театры әзерләгән иде. Балалар башта рәхәтләнеп әкият карадылар, аннан соң Муса Җәлил китаплары белән таныштылар.

Бүген балалар белән "канатлы дусларның" җимлекләрен алыштырдык. Яңа җимлекләрне Зәйнуллин Риаз һәм Габбазов Алмазлар ясап килгәннәр иде.

Бүген балалар бакчасында куңелле кичә - викторина булды. Балалар янына кунакка һәм үзләренең белемнәрен күрсәтергә 1 нче сыйныф укучылары килделәр. Балалар һәм укучылар бергәләшеп бездә кышлаучы кошлар турында фикер алыштылар, тәрбияче Алинә апаларының  сорауларына җавап бирделәр, төрле - төрле уеннар уйнадылар. Соңыннан "канатлы дусларына",  җимлеккә ашарга салдылар.