Бүген Кече Шильнә авылы Мәдәният йортында районкүләм "Нәни йолдызлар" конкурсының финалы үтте. Фахриев Камилне 3 нче урын алуы белән ихлас котлыйбыз!  Тәрбиячесе Ситдикова М.М.

В рамках реализации семейно-демографического проекта «На защите семьи и детства», направленного на формирование комфортной семейной среды в регионах России, открыт федеральный номер семейной линии : 8-800-3006-003

Работает ежедневно и круглосуточно, предлагая заявителям безвозмездную социально-информационную, консультационную, юридическую или иную помощь.

Бүген – Тукай туган көн! Халкын хөрмәт иткән, телен яраткан һәм аның белән горурланган һәр татар кешесе өчен зур бәйрәм ул. Әлеге уңайдан  безнең балалар бакчасында "Тукай яши безнең йөрәкләрдә" дип исемләнгән әдәби- музыкаль чара үтте. Чара өчен Г.Тукайның "Бала белән күбәләк", "Эш беткәч уйнарга ярый" шигырьләре сәхнәләштерелгән иде, балалар бәйрәмне "И туган тел" җыры белән тәмамлады. Кичәне тәрбиячеләр Ситдикова М.М. һәм Саетгараева А.М. әзерләделәр.

Бүген балалар бакчасында табигатькә карата сак караш тәрбияләү максатыннан "Туган ягым- яшел бишек" дип исемләнгән чара үткәрелде. Балалар экологик проблемаларны чишү өчен үзләренең фикерләрен телдән дә, рәсемнәр аша да җиткерделәр. Иң мөһиме, һәр бала Җир шарының гүзәллеген саклау бездән торганлыгын һәм безнең бурыч икәнлеген әйтте.

Зурлар төркемендә Г.Тукайның "Бала белән күбәләк" шигырен өйрәнү шөгыле үтте, әсәрне анализлаганнан соң, балалар шигырьнең эчтәлеген рәсемгә төшерделәр.

"Габдулла Тукай әсәрләренә сәяхәт" исеме астында рәсем конкурсы уздырылды. Конкурста 4 яшьтән алып 7 яшькә тикле барлык балалар катнашты, иң яхшы рәсемнәрдән күргәзмә оештырылды.

Бәген балалар бакчасында халкыбызның иң гүзәл бәйрәмнәренең берсе- Нәүрүз үткәрелде.Нәүрүз бәйрәме – ул игелек, дуслык бәйрәме. Бу гүзәл, язгы бәйрәм көнендә кешеләр бер-берсенә кунакка йөриләр, бер-берсенә булган үпкәләрен оныталар, җырлыйлар , бииләр, рәхәтләнеп күңел ачалар. Бу бәйрәмнең хуҗасы- Нәүрүзбикә.

Республикакүләм юл һаләкәтләрен булдырмауны кисәтү буенча оештырылган рәсемнәр һәм плакатлар конкурсында безнең бакча 1 нче урында. Котлыйбыз балаларны һәм тәрбиячеләрен!

Балалар бакчасында Ватанны саклаучылар көненә багышланган чара үткәрелде.

Бүген кечкенәләр төркемендә  Халыкара туган тел көне уңаеннан балалар белән әңгәмә үткәрелде, балалар туган телебездә үзләре белгән шигырьләрне сөйләделәр.