Башлангыч сыйныф укытучысы Хайруллина Р.Ф. үзенең укучылары белән бик күп еллар өйдә генә утыручы Рузалия апага шефлык итәләр, даими рәвештә хәлен белеп торалар. Балалар аның хәлен белеп, бәйрәм белән котлап, үзләренең матур шигырьләрен һәм җырларын бүләк иттеләр.

Өлкәннәр ункөнлегенң соңгы көнендә ялгыз гына яшәүче Миннегулова Наилә апаны башлангыч сыйныф укучылары җитәкчеләре Хайруллина Р.Ф. белән берлектә, концерт номерлары күрсәтеп, туган көне белән котлап кайттылар.

Мусабай-Завод урта мәктәбендә өлкәннәр ункөнлеге махсус төзелгән план буенча тормышка ашырылды. 1-4нче сыйныф укучылары үзләренең сыйныф җитәкчеләре Хайруллина Р.Ф.,  Гилязова Р.Ф. һәм авлыбыздагы соиаль хезмәткәр Миннехузина Лилия белән берлектә өлкәннәргә барып, аларны бәйрәм белән котлап кайттылар.

6,7нче сыйныф укучылары үзләренең матур шигырьләре һәм чын йөрәктән чыккан  моңлы җырлары белән укытучыларны котладылар. Бәйрәмгә ветеран укытучылар да чакырылган иде. (Җитәкчеләре Вилданова Л.Р.)

Район күләмендә уздырылган бадминтон ярышында безнең мәктәп командасы беренчелекне алып, кубок һәм грамота белән бүләкәнде. Ярышка барган күп кенә укучыларбыз шәхси призлы урыннар да алдылар. (Җитәкчеләре Калимуллин Ф.Г.)

Өлкәннәр ункөнлеге кысаларында 5нче сйныф укучылары үзләренең җитәкчеләре Калимуллин Ф.Г. белән өлкәннәргә концерт куйдылар.

Мусабай-Завод урта мәктәбендә эшләп, лаеклы ялга чыккан 19 өлкән кешене кунакка чакырып, аларга кечкенә бүләкләр тапшырылды. Авыл советы җитәкчелегендә аларга тәмле ботка һәм чәй өстәле әзерләнгән иде.

5нче сыйныф укучылары рус теле фәне буенча мониторинг эшләделәр.

Россиякүләм фән олимпиадаларының мәктәп этабы башланды. Укучылар бик тырышып олимпиада эшлиләр.