Балалар белән мәктәп музеена экскурсиягә бардык. Алар авылыбыз тарихы, музейда сакланучы экспонатлар, стендлар белән таныштылар. Музей җитәкчесе Гөлсинә Рашитовнаның эчтәлекле чыгышларын тыңладылар.

Мәктәп музеенда  туган якның тарихы, бик күп материаллар саклана. Монда татар халкының гореф-гадәтләренә,йолаларына,тормыш көнкүрешенә, мәдәниятенә караган әйберләр дә  җыелган. Халкыбызның күңел җәүһәрләре, җаны хакында сөйләүче  чигүле эскәтер-сөлгеләр, милли күлмәкләр,купшы калфаклар-түбәтәйләр, гаҗәп нәфис чулпылар-алкалар, ачык бизәкле күн читекләр. Музейдагы эш кораллары һәм савыт – сабалар татар халкы элек-электән, тырыш,эшчән,һәм кунакчыл булуын күрсәтә.Шулай ук балалар музейда сугыш турындагы һәм  тагын күп төрле экспонатлар белән  дә таныштылар.

“Туган як" музеенда һәрбер әйбер бай һәм тарихи әһәмияткә ия. Чөнки һәр экспонатта ата-бабаларыбызның күңел җылысы, аларның рухы, изге хатирәләре саклана. Балалар экскурсиядән бик канәгать калдылар.