Бу көнне бакчабызда һәрбер кеше өчен әһәмиятле булган "Әниләр көнен" билгеләп узарга җыелдык. Балаларыбыз тагын бер тапкыр көннең яктылыгы кояшта, күкнең матурлыгы йолдызларда, җир йөзенең гүзәллеге әниләрдә икәнен расладылар. Нәниләребез үзләренең яраткан әниләренә матур җырларын, шигырьләрен, үз куллары белән ясаган бүләкләрен бүләк иттеләр.Әниләргә бәйрәм бүләге итеп рус халык әкияте "Теремкәй" не уйладылар.  Әниләр дә балалар белән бергә төрле уеннарда катнаштылар. Бәйрәм кичәбез әниләребезнең барлык борчу - мәшәкатьләрен оныттырып, яхшы кәеф алып килде.