29 март көнне  Әлмәт шәһәре “ Татнефть” ААҖ ның  “Юность” ял базасында республика күләм практик конференция  булып үтте.  

28нче март көнне 1нче һәм 3нче номерлы Теләче балалар бакчасында “Балалар бакчасында инновацион эшчәнлек ” темасына районның мәктәпкәчә тәрбия учреждениеләренең мөдирләре өчен семинар үтте. 

Балаларны юл йөрү кагыйдәләренә өйрәтү – өлкәннәрнең: әти–әниләрнең, тәрбиячеләрнең һәм шулай ук ЮХИДИ хезмәткәрләренең төп бурычларыннан берсе булып тора. Шушы максаттан  Теләченең 3нче номерлы балалар бакчасында ЮХИДИ бүлекчәсенең әйдәп баручы белгече Ягафарова Г.Н. белән очрашу булып узды.  Бу чараның максаты - балаларга  язгы каникулда юлда хәвеф–хәтәрсез йөрү кагыйдәләрен төшендерү һәм  яктылыкны кире кайтара торган элементларны файдалану турында профилактик әңгәмә үткәрү. Балалар чара барышында үз–үзләрен юлда ничек тотарга кирәклеге, бигрәк тә юлны ничек аркылы чыгарга кирәклеге турында аңлатып сөйләделәр, белгечнең барлык сорауларга да актив җавап бирделәр. Ахырдан яктылыкны кире кайтара торган элементлар белән флешмоб үткәрелде. Чара бик  кызык һәм файдалы үтте.

22 март көнне 3нче номерлы балалар бакчасында “Нәүрүз” бәйрәме уздырылды. Борынгыларның төрле йолаларын сакларга тырышып олысы-кечесе бик тырышып хәзерләнгән иде. Әкият геройлары балаларга төрле конкурслар, табышмаклар, җыр-бию аша бәйрәмнең тагында күңеллеген күрсәттеләр. Барысы да кайнар коймак, чәй белән сыйландылар. Барлык йолаларны үтәгәч кыш белән яз шактый “тарткалашкач”, кыш җиңелергә мәҗбүр булды.

Бүген 3нче балалар бакчасында уртанчы төркем балалары татар халкының милли  киемнәрдәге бизәкләре белән таныштыру максатыннан, татар халкының мили бизәге «Ләлә чәчәге» белән таныштылар һәм күмәкләшеп рәсем ясадылар.

16 март көнне үзәк балалар китапханәнең уку залы 3нче балалар бакчасы, зурлар төркеме балалары өчен әдәби күргәзмәгә әйләнде. Балалар очрашу дәвамында Рәсәй Федерациясенең Дәүләт гимның сүзләре авторы Сергей Михалковның, балалар өчен язылган әсәрләре һәм шигырьләре белән  таныштылар. Авторның тормыш юлына багышланган презентация күрсәтелде, язучының  әти-әниләр үскәннән бирле яратып укылган әсәрләре тыңланды: «Дядя Стёпа», «Хрустальная ваза», «Прививка», «Тридцать шесть и пять». Эчтәлекле күргәзмә оештырган өчен үзәк балалар китапханәнең мөдиренә Закирова Л.М.га үзебезнең рәхмәтебезне белдерәбез.

Бүген  13 март көнне 3нче балалар бакчасында, саф һавада йөрү вакытында тәрбияче Мингазова Г.Р.  мәктәпкәчә яшьтәге төркем балалары өчен, кошлар турында әңгәмә уздырды. Танып белү эшчәнлеге күчмә һәм кышлаучы кошлар турында балаларның белемнәрен баету, гомумиләштерү, алар турында кайгырту, аларны саклау, ярату хисләре тәрбияләү, үз-үзеңне табигать кочагында дөрес тотарга кирәклеге турында кагыйдәләр аша ныгыту, сөйләм телен үстерү өстендә эш, милли-региональ компонентлар кулланнып алып барылды.

Бүген Теләче 3-нче номерлы балалар бакчасында “8-  март” бәйрәменә багышланган бәйрәм кичәләре башланып китте. 

Бакчабызда 8 март – Халыкара хатын-кызлар көне уңаеннан әниләргә, әбиләргә, апаларга карата ихтирам, хөрмәт хисләре тәрбияләү буенча әңгәмәләр оештырыла, өлкәннәргә карата игътибарлыкларын арттыру өстендә эш алып барыла.  Тәрбияви чаралар белән беррәтән  8 март бәйрәменә әзерлек бара. Әниләргә бүләкләр ясала.

Балаларга акыл тәрбиясе бирүдә, интеллектларын үстерүдә математика зур роль уйный.