2017 нчы елның 31 нче мартында Теләченең 3 нче номерлы балалар бакчасында балалар бакчалары мөдирләре өчен “Мәктәпкәчә федераль дәүләт белем бирү стандартын тормышка ашыру шартларында балалар бакчасы җитәкчесенең оештыру эшчәнлеге” дигән темага семинар булып үтте.

 28 март көнне безнең балалар бакчасында  традицион Нәүрүз бәйрәме билгеләп утелде.

Агымдагы елның 28 март көнне районыбызның "Батыр" спорткомлексында "Әти, әни һәм мин - спорт яратучы гаилә" дип исемләнгән үзенчәлекле чара узды.

28 нче март көнне Балтач муниципаль районының «Катнаш төрдәге Балтач 5 нче балалар бакчасында “Федераль дәүләт белем бирү стандарты шартларында  юл йөрү кагыйдәләренең профилактикасы“ дигән тема буенча зона семинары узды.

Мәктәпкәчә яшьтәге балачак һәр кешенең гомерендә мөһим роль уйный. Матур әдәбият белән танышып бала дөньяның үткәнен, хәзергесен, киләчәген аңлый, анализларга өйрәнә. «Матур әдәбият әсәрләре уку» безнең 3нче  балалар бакчасында белем бирү өлкәсендә һәм   ирекле эшчәнлекләрдә алып барыла.

17-18 март көннәрендә “Батыр” спорт комплексында Татарстанның халык, Россиянең, Башкортстан Республикасының атказанган артисты, автоспорт буенча халыкара класслы спорт остасы Салават Зәки улы Фәтхетдинов призына 2001 елда туган  һәм аннан кечерәк яшьтәге малайлар һәм яшүсмерләр арасында татарча көрәш буенча  республикакүләм ачык турнир булып үтте. Турнирда 3нче балалар бакчасында тәрбияләнүче Гыйниятуллин  И. катнашты һәм ул мәктәпкәчә яшьтәге балалар арасында иң матур техник алым күрсәтүче бил алышкан көрәшче булып танылды. Шушы нисбәттән  аңа махсус приз - көрәшчеләр сыны тапшырылды.

3 нче балалар бакчасында тәрбияләнүче балалар  " Мин – юл иминлеге өчен” дигән  район конкурсына үзләренең эшләрен тәгъдим иттеләр.

13нче  март  көнне Теләче урта гомумбелем мәктәбендә " ФДББС   шартларында мәктәпкәчә һәм башлангыч белемнең дәвамчанлыгы" дигән темага район балалар бакчалары  тәрбиячеләре һәм башлангыч сыйныф укытучыларының метод берләшмә җитәкчеләре өчен киңәшмә булып  үтте.