26 апрель - бөек шагыйребез Габдулла Тукайның туган көне, татар халкы Туган тел көнен билгеләп үтә.  Шушы уңайдан бүген Теләченең 3нче балалар бакчасына йөрүче балалар Район үзәк китапханәсе тарафыннан оештырылган бәйрәмдә актив катнаштылар. Бәйрәмдә балалар  Габдулла Тукайның 132 елы уңаеннан уздырылган “Һәр буынга яшьтәш Тукай” дип исемләнгән район  бәйгесендә катнашып рәсем наминациясендә Саляхов Т.- 1 урынны, Галимова Н.- 2 урынны, кул эшләмәләре наминациясендә Шамсиева Э., Трофимова А.- 1 урынны яуладылар.Башка бәйрәмнәр һәм истәлекле даталар белән беррәттән, бу көн һәркайсыбызның күңелендә аерым урын биләп тора. “Туган телеңне онытсаң, рухыңны югалтырсың…”– дип язган шагыйрь. Туган телен белмәгән кеше үз халкыннан да, милли тамырларыннан да аерыла, туган җиренә дә ят була. Без күп­милләтле илебездә төрле телләрнең һәм үзенчәлекле диалектларның байлыгын һәм аһәңен саклап калырга тиешбез. Тел – тел булудан бигрәк, ул безнең гореф-гадәтләребез, иманыбыз, кыйблабыз..... Безнең бурыч, туган телебезне саклау, киләчәк буынга тапшыру.