11 класс укучылары рус теленнән белемнәрен сынап карадылар. Нәтиҗәләре уңай. ЕГЭда уңышлар телисе кала.

Бүген мәктәптә "Күңелле стартлар" ярышы үтте. Бу ярышта 2-5 укучылары катнашты. Ярышта дуслык җиңде

"Батыр" спорт комплексында "Армспорт" төре буенча ярыш үтте, безнең мәктәп укучылары ярышта активлык күрсәтте. Күп кенә призлы урыннар алып кайттылар. Алар: 1 урында Габдрахманова А (8 кл), Гарифуллина Г (8 кл), Марданов Н (8 кл), 2 урында Хусаинов И (8 кл), 3 урында Гарифуллин З (8 кл). Әфәрин укучылар.

16 март көнне Олы Мәтәскә урта мәктәбендә,  Әфганстанда интернациональ бурычын  үтәгәндә вафат булган  Минегали Ногманов  истәлегенә багышланган татар-башкорт милли көрәш ярышы уздырылды.Ул көрәштә безнең мәктәп укучылары да катнашты, җиңү бу көрәштә безнең мәктәп укучыларына елмаймасада, алар аннан күтәренке рух белән кайттылар. 

Хәрби-патриотик айлык уңаеннан мәктәп күләмендә
  класстан тыш чара "Аҗаган" уены үткәрелде. Ул бер ай буе дәвам итте. 9 март көнне укучыларның йомгаклау уены үткәрелеп, йомгак ясалды.Бу айлыкның максаты укучыларда хәрби-патриотик, җаваплылык һәм иптәшлек хисләре тәрбияләү, яшүсмерләрне хәрби хезмәткә психологик әзерләү. Сәламәт яшәү рәвешен пропагандалау. Экстремаль ситуацияләрдә үзеңне тоту күнекмәләрен үстерү иде.

Яз кояшы елмаеп карап, табигатьнең уяна башлаган мәлендә язның тәүге бәйрәме - Халыкара хатын-кызлар көнен бәйрәм итәбез. Хатын-кыз - ул кешегә тормыш бүләк итүче, Җир йөзендәге буыннар чылбырын дәвам итүче, гомумкешелек кыйммәтләрен саклап, буыннан-буынга тапшыручы изге зат. Әниләребезнең бер җылы сүзе безнең күңелләребезне күтәрә, бер җылы карашы барлык авырлыкларны юып алгандай юкка чыгара. Хатын-кызлар - гаилә учагын сүндерми саклап тотучылар. Балаларына мәрхәмәтле, шәфкатьле әни, ә ирләренә ягымлы хатын да алар. Шуңа өстәп җәмгыятьнең бик күп тармакларында күпме хезмәт башкаралар! Әниләребез, әбиләребез алдында без баш иябез, алар белән горурланабыз. 
Хөрмәтле әниләр, әбиләр, апалар, сеңелләр! Сезнең барыгызны бүгенге ямьле бәйрәм - Халыкара хатын-кызлар көне белән тәбрик итәм! Ихлас күңелемнән сезгә тазалык-саулык, ак бәхетләр, язгы кояштай ягымлылык, сөйкемлелек, күңелләрегезгә яз җилләредәй җылылык, мәрхәмәтлелек, сабырлык, гаиләләрегезгә тынычлык, тигезлек, иминлек, тормышыгызда, эшләрегездә зур уңышлар, барлык хыял-теләкләрегезнең тормышка ашуын теләп калам. Балаларыгызның, якыннарыгызның игелеген күреп, мәхәббәтен тоеп яшәргә язсын. Йөзләрегез һәрчак шатлыктан балкып торсын. Бәйрәм белән сезне, хөрмәтле хатын-кызларыбыз!