Сауш урта гомумбелем бирү мәктәбендә укучылар өчен оештырылган Яңа ел бәйрәмнәре – башлангыч сыйныфлар өчен Чыршы бәйрәме ( 25.12.2013), урта һәм югары сыйныфлар өчен Балмаскарад (27.12.2013) бик күңелле үтте. Һәр бала бәйрәмгә тырышып әзерләнгән иде. Җыр-бию, Яңа елга багышлап чыгарылган стенгазета, күңелле күренешләр карарга килгән тамашачыларның да күңеленә бик хуш килде. Кыш бабай белән Кар кызының килүе ямь өстенә ямь булды. Бер генә укучы да читтә калмады, барысы да үзләренең һөнәрләрен күрсәтеп калырга ашыкты.

           Яңа ел бәйрәмнәреннән соң, укучыларга кышкы ял вакытында,  сыйныф җитәкчеләре, педагог-оештыручы Зәйнуллина Г.И. тарафыннан төрле мавыктыргыч чаралар үткәреләчәк. Кышкы каникул планын, мәктәп директоры һәм сыйныф җитәкчеләре белән килешеп, тәрбия эшләре буеча директор урынбасары Гарифуллина Г.Г. төзеде.

     9 һәм 11нче сыйныфлар өчен, имтиханнарга яхшырак әзерләнү максатыннан, консультацияләр график буенча уздырыла. Шулай ук түгәрәкләр дә үз эшләрен расписание буенча дәвам итәчәк.