Мәктәпнең спорт мәйданчыгында үткән ел ясалган хоккей тартмачыгы быелгы кышта да үз уенчыларын кабул итә. Башлангыч сыйныф укучыларыннан алып югары сыйныфта укучы егетләр – барысы да хоккей уенын яратып уйный. Физик тәрбия укытучысы Зәйнуллин И.И. укучыларны хоккей уйнау серләренә төшендерә.   Хоккей тартмачыгы даими кардан чистартылып тора, кич белән уйнар өчен яктырткыч утлар да куелды. Мәйданчык һәр көнне спорт яратучылар, кәшәкә тавышыннан шау-гөр килеп тора. Чаңгы, чана шуучы укучыларны да күрергә мөмкин. Һава торышы да спорт сөючеләр яклы. Рәхәт һәм күңелле.