8 сентябрь – Финансистлар көне уңаеннан мәктәпләрдә ел саен 4-5 сентябрь көннәрендә Финанс грамоталылыгы көне үткәрелә. Шул уңайдан Сауш төп мәктәбендә 4 сентябрь көнне 8-9 сыйныф укучылары белән берлектә “Хәзерге заман кешесе өчен пластик карталар кирәкме?” һәм “Финанс грамоталылыгы нигезләре” дигән темага виртуаль сәяхәт үткәрелде. Дәрестә почта хезмәткәре Имаметдинова Алсу апа катнашты. Ул укучыларны пенсия белән тәэмин ителүнең төп асыллары һәм пенсия системасын модернизацияләү максатлары белән таныштырды. Моннан тыш, укучылар, киләчәктә пенсия алучыларның тормыш дәрәҗәләрен күтәрү өчен мәҗбүриле булган туплау компоненты кертелүеннән хәбәрдар булдылар. Ул тормыш иткәндә килеп чыккан күп кенә проблемаларга тукталды, финанс мәсьәләләренә басым ясады, балаларны кызыксындырган күп кенә сорауларга җаваплар биреп, югары класс укучыларына һөнәр сайлау буенча үзенең киңәшләрен җиткерде.