Новости школы

Бу юлы исә пед-оештыручы Валиева И.А., директор урынбасары Насруллина Г.Р. җитәкчелегендә барлык сыйныфлар музыкаль программа хәзерләделәр. Укучылар бик тырышып чыгыш ясадылар. Аннары залдагыларга сюрприз ясап бер кочак роза чәчәкләре тулган кәрзин күтәреп 11 нче сыйныф укучысы килеп керде. Ул махсус хат ташучы ролендә иде. “Укытучыларга котлау теллеграммасы алып килдем!”-дип сүзен дәвам итте ул. Һәм сәхнә артыннан бик матур шигьри юллар яңгырады. “Потальон”чәчәкләрне ияләренә тапшырды. җыр һәм биюле чыгышларындан соң, Алап баручылар“Чәчәк сибәм йөргән юлларыгызга” -дип роза чәчәкләренең таҗларыннан сәхнәгә таба сукмак ясадылар, һәр укытучы сәхнә туренә чакырылды. Мәктәп администрациясе котлап, Балаларны тәрбияләүдә, белем бирүдә армый-талмый хезмәт иткәннәре өчен җылы сүзләр белән“Рәхмәт хаты” тапшырды. “Укучылар! Сез беләсезме? Безнең 21 кешедән торган укытучылар коллективы озак еллардан бирле бер гаилә булып тату, дус яшәүнең серен? – диде, сәхнәдән директор урынбасары Гөлназ Мансур кызы. “Чөнки бездә бик сабыр, тирән белемле, бер-берсенең куз карашыннан ук аңлый торган, кирәк чакта ярдәм кулы сузырга әзер торучы менә шундый акыллы педагоглар эшли, мин аларның һәрберсе белән горурлана алам!” диде. Укучылар ана җавап итеп аягүрә басып кул чаптылар, бердәм, бертавыштан “Рәхмәт Сезгә!” дип кычкырдылар. Болар берсе дә алдан уйланылган сүзләр түгел иде. Чыннан да бу көнне концерт барышында гына түгел көн дәвамында укытучыларга котлаулар, җылы теләкләр ихластан яңгырап торды. Оештыручыларга бик зур рәхмәт!