«Бөек сугыш- Бөек Җиңү” темасына әңгәмә уздырылды. Сугыш башлану, сугыш чорында кешеләр ничек яшәгән, сугышка кемнәр нинди өлеш керткән- әңгәмәдә шулар турында сөйләшенде. Авыл китапханәсе җитәкчесе Мухарлямова Рәсимә шушы әңгәмәгә нигезләнеп КВНда ике команда катнашты.Аннан соң сугышта үлеп калганнар истәлегенә куелган обелиск янына төшеп чәчәкләр куелды.Сугыш ветераны Мулеков Мансур абый белән очрашу булды. Сугыш чоры баласы Валиуллина Фирая апа сугыш елларында балалар тормышы турында сөйләде.

20 июнь лагерьның алтынчы көнен “ Милләтләр дуслыгы көне” итеп билгеләдек. Шул уңайдан төрле халыклар милләтенең биюләре , уеннары, бәйрәмнәре турында әңгәмә үткәрдек. Аларның биюләрен биергә өйрәндек. Иң күп милләт җыелышкан “ Мәккә һәм Мәдинә шәһәренең” фотоларын карадык. Төрле милләтләрнең телләрен, уеннарын өйрәндек. Уйнап та карадык. Соңыннан шушы темага карата рәсемнәр ясадык.

19 нчы июнь  лагерьның  бишенче  көне  сәламәтлек көне итеп билгеләнде. Шул уңайдан ”Бәхетле очрак” уены оештырылды. Сәламәтлекне ныгыту максатыннан нарат урманына походка бардык. Аның саф һавасын сулап үзебезгә шифа алдык. Поход барышында төрле уеннар уйнадык, дару үләннәрен танырга өйрәндек. Урман аланында җыйналып “Начар гадәтләргә “юк” дип әйтик”  темасына  дискуссия уздырдык.  Табигатьтә беренче ярдәм күрсәтү ысулларын өйрәндек һәм практик рәвештә үтәп карадык. Куркынычсызлык кагыйдәләрен кабат искә төшердек.

Походтан кайткач төшке аш аеруча тәмле була икән. Ашап алганнан соң “Ленинград блокадасын өзүгә 71 ел” исеме астында әгңәмә үткәрдек. Соңыннан  “Без сәламәт яшәү яклы” дигән рәсем конкурсы уткәрдек.

18 июнь лагерьның  «Урман көне “ буларак,”Яшел планета» викторинасы белән башланып китте.Укучылар хайваннар,кошлар дөньясы, урман  һәм аның серләре турында күп мәгълүмат алдылар.Викторина “Елмаю” отрядынын җиңүе белән тәмамланды.Укучылар грамота белән бүләкләнделәр.

“Серле утрау”да хәзинә эзләү минутлары аеруча күңелле узды.Күп каршылыклар үтеп, ләкин һәркайсын җиңә барып, бу уенның җиңүчеләре “Зур сәлам” отряды  укучылары булды.

Эшкә йомгак ясап,укучылар мактау грамоталары белән бүләкләнделәр.

«Татарстан Бөек Ватан сугышы елларында”  исеме астында әңгәмә үткәрдек.Шул ук вакытта авылдашыбыз сугыш ветераны Мансур Хидият улы Мөликов турында видеоязма карадык.Олы яшьтәге кешенең шулай кызык һәм мавыктыргыч итеп сөйләвен балалар бирелеп тыңладылар.

“Минем гаиләм” дип аталган тәрбия сәгате кызык һәм файдалы үтте.Һәр бала үз гаиләсе турында сөйләп, фотолар карап үзара тагын да якыннан таныштылар.

“Без Җир балалары” рәсем  конкурсында  балачак күзаллаулары аша  күңелләрендәген  кәгазьгә төшерделәр.

16 июнь,  “Дуслык” мәктәп яны балалар ял лагереның 2 нче көне “Спорт көне” дип билгеләнде. Балаларны, мәктәбебезнең горурлыгы булган  көрәш буенча Россия чемпионы, 11 сыйныф укучысы  Габдрахманов Фирдүснең җиңүләре белән таныштырдык. Җиңүләргә ни рәвешле ирешүенең серләрен ачыкладык.

15 июнь көнне Олы Битаман урта мәктәбендә “Дуслык” ял лагере балаларны үзенә янәдән җыйды. “Президент белән бергә” акциясе кысалары нигезендә “Дуслык көне”  уңаеннан  “Дуслык агачы” утыртылды.  

Мәктәптә "Наркотикларсыз тормыш" акиясе план нигезендә эшен дәвам итә. Әлеге акция кысаларында "Сәламәт буласым килә" дип исемләнгән түгәрәк өстәл оештырылды.

Мәктәбебездә "Без наркотикларга каршы" акциясе оештырылды. Акциядә укучыларыбыз бик теләп катнашты. Авыл халкына  буклетлар, листовкалар  таратылды.

Мәктәбебездә 15 майдан 15 июньгә кадәр  "Игътибар - балалар" акциясе игълан ителде.