«Технология атналыгы»кысаларында бүген мәктәптә “Ягез әле, кызлар!” дип аталган КВН ярыш булды.  6-7 сыйныф кызлары үзләренең уңганлыкларын, булганлыкларын күрсәттеләр. Алар бәйрәмгә чакыру да яздылар, бәлеш тә пешерделәр, салат та ясадылар, кунакка барырга причёска да ясадылар, галстук та тактылар һәм башка ярышларда бик теләп катнаштылар.Бәйгедә 6 сыйныф кызлары җиңү яуладылар.Кызларыбызны җиңүләре белән котлыйбыз һәм барысына да уңышлар телибез.

Бүген безнең мәктәптә 2 нче сыйныф укучыларын "Эзтабарлар" сафына кабул итү кичәсе булды. Кичәдә укучылар шигыръләр сөйләделәр, төрле сорауларга һәм табышмакларга җавап бирделәр. Кичә бик кызыклы һәм мавыктыргыч узды.
 

10 нчы декабрьдә үзәк мәдәният йортында "Яшь сәләт ияләре" дип исемләнгән фестиваль булып узды. Безнең мәктәптән 7 нче сыйныф укучысы  да әлеге бәйгедә катнашты.

"Технология атналыгыннан без дә читтә калмадык, теләп катнашабыз. Күргәзмәдә безнең технология дәресләрендә ясаган кул эшләребез", - ди башлангыч сыйныф укучылары.

Сегодня в рамках акции "Час кода" в 5-10 классах проводили  акцию "Час кода". Ребята посмотрели видеолекции с участием ведущих ИТ-специалистов страны, провели беседу.

Укучылар үзидарәсе бүген Юртыш һәм Мәмдәл авылында яшәп ятучы инвалид балаларга “Игелекле эшнең иртәсе – киче юк” дип аталган ярминкәдән җыелган  акчаны  тапшырдылар. Инвалид балаларның  әти – әниләре укучыларыбызга бик рәхмәтле булып калдылар.

Яхшылык кыл, яхшылыкта бар файда,

Кем яманлык кылса, ул таба җәза.

Әгәр итсәң берәүгә син изге эш,

Үзеңә дә килер шундый ук өлеш.

   Бүген мәктәбебездә технология фәне атналыгы башланып китте. Башлангыч сыйныф укучылары хезмәт турында шигырьләр сөйләделәр.

Коркачык урта мәктәбендә узган милли көрәш бәйгесендә безнең мәктәп укучылары да катнашты. Егетләребез, матур алымнар күрсәтеп, үз авырлыкларында призлы урыннар алдылар: Әхмәтҗанов Илмир – 2 урын, Каримбоев Алибек – 3 урын, Шакиров Раил – 3 урын, Шакиров Рамил – 4 урын. Яшь көрәшчеләребезне һәм тренерлары Фәттахов Ф.А. котлыйбыз, алдагы ярышларда да җиңүләр көтеп калабыз.