Бүген 1 сыйныф укучылары “Гаилә бәйрәме” үткәрделәр. Алар бәйрәмгә үзләренең дәү әниләрен, дәү әтиләрен чакырдылар. Бәйрәм җыр-бию белән үрелеп барды. 

Акция «Георгиевская ленточка»

Бүген бездәСоветлар Союзы герое капитан  Ахметшин Марат Радик улына багышланган   Батырлык дәресе үтте. 

   Барыгызны да яшел чирәмнәре шытып чыккан, каеннары яфрак ярган яз бәйрәме белән котлыйбыз. Яз сулышы күңелегезгә нур өстәсен. Бәхет кояшы көннән-көн яктыра барсын, йөрәгегез хискә тулсын, һәрвакыт яшь булсын. Гомерегез дә яз көне кебек якты, кояшлы, аяз күкле, нурлы булсын.

  1 Май бәйрәме уңаеннан оештырылган эстафетада укучыларыбыз 3 нче урын яулады.

  Бүген, Бөтенроссия өмә көнендә, мәктәбебез әйләнә-тирәсен чистарттык. Укучылар да, укытучылар да бик тырышып эшләдек.

   Ямаширмә мәктәбендә узган милли көрәш буенча ярышларда безнең укучыбыз Рәфил 2 нче урын алды. Яшь көрәшчегә уңышлар телибез.   

Укучыларга экологик тәрбия бирү максатыннан география укытучысы Ганиев А. А. тәрбия сәгате үткәрде. Тәрбия сәгате бик эчтәлекле һәм мавыктыргыч булды. 

Бөек шагыйребезнең 131 еллык туган көне уңаеннан, бүген мәктәптә  “Без – Тукай оныклары” дип аталган кичә үтте. Башлангыч сыйныф укытучысы Сафиуллина Ф.Б. шагыйрьнең тормыш юлын кабат хәтерләрдә яңартты. Укучылар Тукай шигырьләрен укыдылар, сәхнәләштерделәр; аның сүзләренә язылган җырларны җырладылар. Кичәгә кунак булып  “Ак калфак” хатын-кызлар оешмасы җитәкчесе Шакирова Г.Ш., Мәмдәл мәдәният йорты директоры Сираҗиева Г., Юртыш авылы китапханәчесе Ибраһимова Ф.Ә. килде. Алар да үзләренең матур чыгышларын бүләк иттеләр. Кичә бик күңелле үтте.

Бүген район мәдәният йортында, Туган тел көне кысаларында, язучы Р.Корбан исемендәге әдәби конкурс нәтиҗәләрен игълан иттеләр. Безнең укучыбыз Вахитова Илүзә “Үкенү” хикәясе белән 3 нче дәрәҗә Дипломга лаек булды.  4 нче сыйныф укучысы Рәнил Рәхмәт хатына ия булды. Укучыларны котлыйбыз!!!