Терроризм проблемасы бүгенге көндә дөньяда иң актуаль мәсьәләләрнең берсе булып тора.  Татарстанда, шулай ук безнең районда да экстремизм очракларын булдырмау өчен шактый эшләр эшләнелә Корбаннар турында искә төшереп, кешеләрнең  террорчылыкка каршы  сугышчан рухын күтәрү  өчен  2005 нче елның 6 нчы июлендә  “Террорчылыкка каршы көрәштә бердәмлек көне” дигән яңа  истәлекле көн  игълан ителде һәм ул 3 нче сентябрьдә билгеләп үтелә. Бу  очраклы гына сайланган  көн түгел, 2004 нче елның 1-3 нче сентябрендә  террорчылар Бесландагы 1 нче мәктәпне  басып алдылар. Ул  вакытта өч йөздән артык кеше һәлак булды, яртысы балалар иде. Әлеге террорлык үзенең кансызлыгы белән  бөтен дөньяны тетрәндерде. Шуңа күрә дә  бу көн террорчылыкка  каршы көрәш көне дип  игълан ителде. Нинди диндә, милләттә  һәм яшьтә булуларына карамастан, барлык кешеләр  бу  фаҗигане истә тотарга һәм  террорчылыкка каршы бөтен көчләре белән көрәшергә тиешләр.