10 нчы февраль көнне мәктәптә “Сәламәт гаиләдә – сәламәт бала” исеме  астында дәресләр үткәрелде. Башлангыч сыйныф укучылары Әхмәтҗановлар гаиләсе белән очраштылар. Алар үзләренең спорт өлкәсендәге уңышлары турында сөйләделәр. Гаилә белән бергә табигать кочагында ял итүләре  турында искә алдылар. Спорт белән шөгыльләнгәндә генә сәламәт булырга мөмкин икәнен аңлаттылар. Инзилә ханым үзенең оста гер күтәрүче икәнен исбатлап күрсәтте. Соңыннан укучылар төрле хәрәкәтле уеннар уйнадылар. 6, 7 сыйныф укучылары авыл җирлеге башлыгы Фәрит Сафиуллин белән очраштылар. Ул әле Сафиуллин Маратның әтисе дә. Фәрит үзләренең гаиләсендә спортның иң мөһим урында торганы турында сөйләде. Әле  дә, гаилә белән районда уздырылган төрле ярышларда катнашып, җиңүләр яулыйлар. “Мондый ярышларда катнашу, бергә – бергә табигатьтә ял итү гаиләдә тагын да дуслык, бердәмлекне арттыра,” – дип төгәлләде ул үзенең чыгышын.