28 нче октябрь көнендә  Казан дәүләт ветеринар  медицина академиясе галимнәре һәм укытучылары - ветерианрия фәннәре докторы Шакирова Ф.В., ветерианария фәннәре кандидаты Шоркина О.И., биология фәннәре кандидаты Гирфанова Ф.Г.  белән очрашу үткәрдек. Бу очрашуда район мәгариф бүлеге җитәкчесенең тәрбия эшләре буенча урынбасары Сафина Зөлфия Тимергали кызы, Айбаш, Суксу,Әлдермеш мәктәпләренең 10-11 нче сыйныф укучылары һәм укытучылары катнашты.

   Укучыларга  уку йортына керү, имтихан бирү, стипендия күләме, тулай торак шартлары турында мәгълүмат бирелде. Академиянең халыкара дәрәҗәсенең зурлыгын һәм нәтиҗәле белем бирүен күп мисаллар ярдәмендә раслап күрсәттеләр. Ахырдан, академия галимнәре алып килгән лобрадор токымлы Блюз кушаматлы эткә ветеринар ярдәм күрсәтү буенча, конкурс уздырылды. Бу очрашуда югары сыйныф укучылары тормышта үз урынын табуга, дөрес һөнәр сайлап алуга, алга таба илгә файда китерерлек һәм үзенең  эшеннән канәгатьлек таба алырлык сорауларга җавап тапты.