Бүген лагерьның соңгы көне. Бик күп балалар грамоталар белән бүләкләнде. 

"Тамчы" лагеры үзенең эшен тәмамлады. Хуш, "Тамчы", киләсе очрашуларга кадәр. 

Бүгенге көнне без "Сәламәтлек аланы"нда үткәрдек. Аргы якта посадка буенда нинди генә дару үләннәре юк. Балалар үләннәрне танып, төрле - төрлеләрен күп итеп җыеп кайттылар, ә мәктәпкә кайткач, кояш төшми торган класска киптерергә куйдык. 

Төшке аштан соң балалар мәктәп каршындагы чәчәклеккә чыгып киттеләр. Анда чүп үләннәрен утадылар һәм йомшарттылар. 

Бүген балалар ГТО нормаларын тапшырдылар.  Иртәнге ашны ашагач та, балалар стадионга төшеп киттеләр. Анда 30 м га, 60 м га йөгерү, ә спортзалда урыннан сикерү, подтягивание, отжимание, челночный бег булды. 

Бүгенге көн "Сәламәтлек көне" дип аталды. Иртәнге зарядканы да бакчада саф һавада үткәрдек. Пионербол, лапта, хәрәкәтле уеннар уйнадылар. "Кәеф экраны"н тутыргач, өйләренә таралыштылар. 

Салкын кышлар җитсә сагынырбыз,

Җиләкле бу җылы җәйләрне.

Бүген без саф һавада рәхәтләнеп ял иттек. Красна авылы чишмәсе белән генә түгел, ә тәмле җиләккә дә бай. Балалар рәхәтләнеп җиләк ашадылар, дару үләннәре җыйдык. 

Мүлмә мәктәбенең бакчасы искиткеч матур. Бакчаның бу өлешендә башлангыч сыйныф укучылары чәчәкләр үстерәләр. 

"Тамчы" исемендәге эш һәм ял лагеры балалары яшелчә үстерүдә зур өлеш керттеләр. Мәктәп бакчасында барлык яшелчәләр дә уңды. 

Бүген ЛТО да кәбестә төбе өйдек, карлыгын араларын чистартып йомшарттык, дару үләнәре җыйдык.