Бүген Казанның Вахитов районы “ 18нче санлы инглиз телен тирәнтен өйрәнүче урта мәктәбе”ндә “ Мәктәптә кытай телен укыту” буенча республика күләмендәге семинар булып узды. “ Милли мәктәп шартларында күп телдә сөйләшүче шәхес формалаштыру “ темасына чыгыш ясап, семинарда гимназиябезнең директоры Г.Г. Шәмсиева да катнашты. Яңа Татар бистәсенең 35нче урта мәктәбеннән килә торган туган телне саклап калу нигезендә чит телләрне дә өйрәтүнең күркәм традициясе гимназиядә бүген дә дәвам итә. Ә инде традиция булган җирдә инновация дә чәчәк атмый калмый. Уку-укытудагы заманча таләпләрне исәпкә алып, бүген 1нче татар гимназиясе яңа бер инновацион юнәлештә аяк атлый.