8нче март - Халыкара хатын-кызлар көненә багышланган бәйрәм концерты гимназиядә 4нче март көнне уздырылды. Бу юлы концертны гимназиянең 8 “А” сыйныфы укучыларының ир егетләре алып барды. Концертка һәр сыйныф берәр чыгыш әзерләп, укытучыларын үзенчә котлады. 1нче сыйныф укучыларының чыгышы белән башланып киткән концерт кызганан кыза барды, хатын-кыз укытучыларыбызга булган нәфис сүзләр җыр-бию аша аралаштырылып, һәрбер чыгыш күңелләргә үтеп керерлек тәэсир ясады. Атап әйткәндә, 8”А” сыйныфы укучысы Л. Абросимова, Д. Фаекова, 10 “А” сыйныфы укучысы Д. Чекменева , гимназиянең “Әбием” җыелма ансамбеле чыгышлары үтә дә югары дәрәҗәдәге сәнгать әсәрләре булып, 4”А” сыйныфы егетләренең чыгышы хатын –кызны даими язга тиңләп бәйрәмне йомгаклады. Бәйрәмне оештыруда гимназиянең хореография укытучысы К. А. Жеранинага, җыр түгәрәге җитәкчесе Ф. Ш. Мостафинага һәм башка оештыручыларга олы рәхмәтләребезне җиткерәбез.