«Иң шәп футболчылар сыйныфы” бәйгесенең беренче туры тәмамланды. Җиңүчеләр дә билгеле булды. Гимназиябезнең 6 “Б” сыйныфы Казан шәһәре буенча 3нче урынга лаек булды. Әлеге сыйныфка үзенчәлекле бүләк тә тапшырылды: 11нче март көнне алар “Рубин” командасының ачык тренировкасын карарга барачак! “Без инде сыйныфташларым белән балачактан бирле “Рубин” өчен “җан атабыз”. Ә үзем, шәхсән, балалар бакчасыннан ук футбол белән шөгыльләнәм, шуңа күрә дә ачык тренировканы карарга, үз һөнәрләренең остасы булган “профессионаллар тренировкасы”н күрергә бару – минем хыял ул!”, - ди бәйгенең иң актив җанатары, 6 “Б” сыйныфы укучысы Максим. Без җиңүчеләрне уңышлары белән котлыйбыз! Аларга спортта да, укуда да уңышлар телибез!