14нче март көнне 8 “А” һәм 10 сыйныф укучылары Кәрим Тинчурин театры бинасында узган укучыларның Туфан Миңнуллин исемендәге III республика фәнни – гамәли конференциясендә катнашып кайтты. Алар Ш. Камалның “Акчарлаклар” әсәрен сәхнәләштереп күрсәтте. Әлеге әсәрендә Шәриф Камал эшчеләр тормышын сурәтли. “Акчарлаклар” булуына да карамастан, әсәрдә диңгез кошлары түгел, ә бер урыннан икенче урынга акчалы эш эзләп йөрүче сезонлы эшчеләр сурәтләнә. Повесть кискен сюжетлы түгел, ә шулай да, ул кешедә төрле хис-тойгылар тудыра, уйландыра. Язучы укучыны бик оста итеп образлар, вакыйгалар артыннан ияртә, үзең дә сизмәстән алар тормышы белән яши башлыйсың... Язучы иң үзәккә кешеләр язмышын, аларның рухи дөньясын куйган. Гимназия укучылары да нәкъ менә шул фикерне – язучы идеясен сәхнә аша күрсәтергә, тамашачылар хозурына җиткерергә тырышты.Нәтиҗәләрне генә көтәсе кала.