«Татарстан Республикасы халыкларының телләре турында Закон» ның утәлешен, туган телне, милли hәм рухи мәдәниятне үстерү максатыннан, апрель ае “ТУГАН ТЕЛ” айлыгы дип билгеләнде. Без дә апрель аен гимназиядә “ТУГАН ТЕЛ” айлыгы дип игълан иттек.
Бу уңайдан ай дәвамында күп кенә эшләр башкарылырга тора : шигырь бәйрәмнәре, әдәби викториналар, Г.Тукайнын тормыш юлына, иҗатына, туган телгә багышланган әңгәмәләр, китаплар күргәзмәсе, рәсем күргәзмәсе, Тукай көннәре планлаштырыла. Айлык өчен махсус программа да каралган. Кино елы икәнен дә истә тотып, программага Тукайга багышланган фильмнар һәм Тукай әсәрләренә нигезләнеп эшләнгән мультфильмнар кертеп, укучыларда туган телгә, сәнгатькә, әдәбиятка, мәдәнияткә мәхәббәтне документаль һәм нәфис фильмнар аша тәрбияләргә омтылдык. Боларның барысы да укучылар өчен кызыклы булыр, һәр сыйныф чараларда актив катнашыр дигән өметтә калабыз.