Җиңү бәйрәме якынлашкан саен күңелне шатлыклы да һәм моңсу да булган хис биләп ала... Орден-медальләр, канәфер чәчәкләре, георгий тасмасы... Гимназиядә узган тарих дәресләрендә бүген нәкъ менә Георгий тасмасына басым ясалды. Хәтер һәм дан билгесе булган Георгий тасмасының тарихы укучылар өчен кызыксындыргыч мәгълүмат булды. “... кишер сары төс – ут, кара төс – дары төсен аңлата...”, - диде аларга тарих укытучысы А.Т. Әхмәтшина һәм дәрес ахырында георгий тасмасын һәр баланың кулына тотырып, георгий тасмасын кулларына алгач, нинди хисләр кичергәннәрен, тасмага булган мөнәсәбәтләрен сорады.Шулай итеп, тарих дәресе укучыларда ватанпәрвәрлек хисе, тарихи үткәнгә сакчыл караш, сугыш ветераннарына һәм яу кырында шаһит киткәннәргә тирән ихтирам тәрбияләде.