Габдулла Тукайның туган көнендә гимназиянең актлар залына башлангыч сыйныфлар чакырылды. 2 “Б” сыйныфлары катнашында оештырылган ( сыйныф җитәкчесе –Шиһапова З. Н.) әдәби-музыкаль кичә олы бәйрәм хисен залдагы һәркемгә “җитәрлек итеп өләште”. Гүя барча укучы үз күңеленнән генә, тирән ихтирам һәм тынлык белән шагыйрьнең туган көнен тантана итте! Кичә әдәби дә, музыкаль да булган төс алып, шагыйрьнең әсәрләренә корылган сәхнәләштерүләр, җыр-биюләр, мәзәк хәлләр, залга булган сораулар белән бергә үрелеп барды. Залга бирелгән сораулар тамашачылар өчен аеруча кызыксындыргыч булып, һәр бала үз җавабында беренче булырга ашыкты. Тукайның туган көнен искә алу кичәсе күңелле узды.