“Табигать - тиңсез хәзинә” дигән темага 26нчы апрель көнне гимназиядә 5-7 сыйныфлар арасында - рәсем күргәзмәсе, ә 8-10 сыйныфлар арасында – фотокүргәзмә оештырылды. Табигатьне рәсемгә яисә фотога төшергәндә дә сәнгать күзлегеннән күрә белү сәләте кирәк. Укучыларыбызның рәсем һәм фото сәнгате өлкәсендә дә белемнәре юк түгел икән бит, ә кайберләренең хәтта бу сәнгатьләргә үзлегеннән өйрәнүләре, кемнәрнеңдер фотограф, сынчы, дизайнер, рәссам һәм “кулларыннан гөлләр тама” торган башка һөнәр ияләре булырга һәвәскәр булулары ачыкланды. Чыннан да, табигать-Ана кайсы гына ел фасылында яңармасын, ул һәрвакыт гүзәллектә кала. Тукаебыз әйтмешли, “ ... урта һава, җил дә вакытында исеп, яңгыр да вакытында ява”.