“Җиңү язы” акциясен дәвам итеп, шул исәптән, “сугыш”, “җиңү”, “фронт һәм тыл” һәм “үлемсез полк” төшенчәләренә киңрәк тукталып, үзләренең бабалары белән беррәттән, берүк фронтта сугышкан каһарман татар әдипләре төркеменә басым ясау, “үлемсез полк”ның тере образын укучылар аңында тудыру максатыннан, бүген 8-10 сыйныф укучыларына актлар залында Ф. Кәримгә багышланган “Фатих Кәрим – сугышчы шагыйрь” һәм “Фатих Кәрим турында кызы Ләйлә истәлекләре” дигән фильмнар күрсәтелде. Нәкъ тә шагыйрь әйткәнчә, үз-үзләрен кызганмыйча, үлемнәре турында уйламыйча, илен дошманнардан азат итү бәрабәренә яу кырында ятып калган кешеләрнең гомерләре озын булып, “үлемсез полк” сафларында мәңгеләштерелә икән...Укучылар моңа тагын бер кат инанды.