1 июнь – Балаларны Халыкара яклау көне. Ул ел саен төрле чаралар белән билгеләп үтелә. Бу көнне дөньяның барлык почмакларында балалар өчен тамашалар, концертлар, төрле бәйгеләр оештырыла. Казанда да бәйрәм чарасы берничә мәйданда узды. Балаларның иң зур төркеме Казан Кремле мәйданында булгандыр, мөгаен. Нәкъ менә биредә - “Казан Кремле” музей тыюлыгында 1 июнь көнне Бөтендөнья балаларны яклау көненә багышланган фестиваль узды. 11.00 дән алып 15.00 сәгатькә кадәр барган чара “Кремльне яратабыз!” дип аталды. Кояшның шактый кыздыруына да карамастан, мәйданга меңләгән бала җыелган иде. Биредә чып-чын балачак мохите хакимлек итте – әйләнә - тирәдә музыка тавышы яңгырады, һәр килгән кешене әкияти геройлар каршы алды, төрле мәйданчыкларда җырлы-биюле концертлар, кызыклы викториналар, бәйгеләр, мастер-класслар узды. Бәйрәмгә президент үзе дә килгән иде,соңрак ул “Созвездие-Йолдызлык” фестивале җиңүчеләрен бүләкләү тантанасында катнашты..
Проект авторлары алдан вәгъдә иткәнчә, бу көнне Кремльдә урнашкан музейларга керү бушлай булды. Гимназия яны лагеренда ял итүче укучылар ,форсаттан файдаланып, музейга сәяхәт кылды. Әби-патша каретасы янында истәлеккә фотога да төшт