КФУ да  Г.Тукайның тууына 130 ел булуга багышланган Регионара Олимпиада булып узды. Олимпадада барлыгы  792 укучы катнашкан, шуларның  300дән артыгы финалга чакырылган. Укучыларга бөек шагыйрь иҗатына, аның тормыш юлына багышланган шактый четерекле сорауларга җавап табарга  һәм иҗади  биремнәрне үтәргә туры килгән. Мәртәбәле жюри бары тик 16 укучыны җиңүче дип игълан итте. Алар арасында гимназиябезнең 11 нче сыйныф укучысы Мөбәрәкшина Зилә дә бар. (Укытучылар: Н.А. Абдульманова, Г.В.Нурмиева). Зиләне чын йөрәктән чираттагы җиңүе белән тәбрик итәбез! Аңа Дәүләт имтиханнарында да уңышлар юлдаш булсын!