Татар яшьләрен бергә туплауны, милли асылыбызны киләчәк буынга төшендерүне максат итеп куйган Сәләт – Биләр форумы  аланына быел да милләтебезнең алдынгы карашлы яшьләре җыелды. Татар теле укытучысы Г.В.Нурмиева җитәкчелегендә безнең гимназия укучылары да әлеге күркәм форумның шаһитләре булдылар. Президентыбыз Р.Н.Минниханов белән очрашу да нур өстенә нур булды. Гимназиябезнең элекке укучылары И.Хисмәтова, Л.Шәрәфетдинова, Р.Мәһдиевалар Сәләтнең иң актив әйдаманары булып киткәннәр. Алар җитәкчелегендә бик күп яшүсмер балалар үзләренең иҗади активлыгын арттыра. Сәлкешләр аларга бик рәхмәтле, "Илсөяр апа, Ләйсән апа" дип өзелеп торалар. Гимназиянең менә шундый милли җанлы яшьләр тәрбияли алуын күреп күңел сөенә, киләчәктә аларга алмашка Зиләләр килер!