Бүген, 10 сентябрь көнне, Горький исемендәге мәдәният һәм ял итү үзәк паркында Игелек атнасының тантаналы рәвештә тәмамлану чаралары узды. Бу көнне районнарыбызның барлык мәктәпләре Хәйрия кылу ярминкәсендә катнаша алды. Гимназиябезнең битараф булмаган һәрбер укучысы бу ярминкәдә катнашу өчен сатуга матур декоратив әйберләр ясап килде. Ярминкәгә килүчеләр гимназиябезнең сату чатырында укучылар һәм ата-аналары үз куллары белән башкарган бәйләгән, бизәнү әйберләре, кулдан ясалган сабын, картиналар, топиарий, ясалма чәчәкләр һ.б. әйберләр арасыннан күңелләренә ятышлысын таба алдылар. Шулай ук һәрбер теләүче топиарий ясау буенча мастер-класста да катнаша алды. Игелек ярминкәсе барышында җыелган матди булышлык мохтаҗ булган балаларга күрсәтелде.