Казанда "Татар кызы - 2013" шәһәр бәйгесенең район сайлап алу туры башланды. Бәйгенең максаты - укучыларны татар халкының мәдәни хәзинәләренә җәлеп итү, милли үзаңны үстерү, сәләтле балаларны ачыклау, тәрбия эшенең сыйфатын күтәрү, “Казан шәһәрендә яшәүче халыкларның телләрен саклау, өйрәнү һәм үстерү” шәһәр программасын тормышка ашыру.
        15 нче февральдә Вахитов районының Балалар иҗаты үзәгендә сайлап алу туры узды. Районнан барлыгы 10 кыз катнашты, алар ике номинациядә көч сынаштылар: иҗади сәләтне күрсәтү һәм  табигатьне саклауга багышланган эссе белән таныштыру. Бәйге барышында алты кыз икенче турга үтте. Шуларның берсе - гимназиябезнең 9а сыйныфы укучысы Исхакова Алия. Уку йортыбызда шундый сәләтле һәм тырыш  балалар укуына ихлас шатланабыз. Киләсе турда да без аңа зур уңышлар теләп калабыз! Афәрин!